Вѣ́рный въ ма́лѣ, и во мно́зѣ вѣ́ренъ е́сть: и непра́ведный въ ма́лѣ, и во мно́зѣ непра́веденъ е́сть. А́ще у́бо въ непра́веднѣмъ имѣ́нiи вѣ́рни не бы́сте, во и́стиннѣмъ кто́ ва́мъ вѣ́ру и́метъ? И а́ще въ чуже́мъ вѣ́рни не бы́сте, ва́ше кто́ ва́мъ да́стъ? Никі́й же ра́бъ мо́жетъ двѣма́ господи́нома рабо́тати: и́бо или́ еди́наго возненави́дитъ, а друга́го возлю́битъ: или́ еди́наго держи́тся, о друзѣ́мъ же нерадѣ́ти на́чнетъ: не мо́жете Бо́гу рабо́тати и мамо́нѣ. Слы́шаху же сiя́ вся́ и фарисе́е, сребролю́бцы су́ще, руга́хуся ему́. И рече́ и́мъ: вы́ есте́ оправда́юще себе́ предъ человѣ́ки, Бо́гъ же вѣ́сть сердца́ ва́ша: я́ко, е́же е́сть въ человѣ́цѣхъ высоко́, ме́рзость е́сть предъ Бо́гомъ.

«Будьте милосерды, как и Отец ваш милосерд» (Лк. 6: 36).

«Кто пропускает случай сделать добро, тот не только лишается плода от добра, но и оскорбляет Бога. Бог посылает к нему нуждающегося, а он говорит: “Приходи после”. Хотя он говорит человеку, но это все равно что Богу, пославшему его. Бог найдет другого доброго человека, а отказавший ответит за себя», — говорит преподобный Никодим Святогорец.

Кни́га родствá Иисýса Христá, Сы́на Дави́дова, Сы́на Авраáмля. Авраáмъ роди́ Исаáка. Исаáкъ же роди́ Иáкова. Иáковъ же роди́ Иýду и брáтiю егó. Иýда же роди́ Фарéса и Зáру от Ѳамáры. Фарéсъ же роди́ Есрóма. Есрóмъ же роди́ Арáма. Арáмъ же роди́ Аминадáва. Аминадáвъ же роди́ Наассóна. Наассóнъ же роди́ Салмóна. Салмóнъ же роди́ воóза от Рахáвы. Воóзъ же роди́ ови́да от рýѳы. Ови́дъ же роди́ Иессéа. Иессéй же роди́ Дави́да царя́. Дави́дъ же цáрь роди́ соломóна от урíины. Соломóнъ же роди́ ровоáма. Ровоáмъ же роди́ Авíю. Авíа же роди́ áсу. А́са же роди́ Иосафáта. Иосафáтъ же роди́ Иорáма. Иорáмъ же роди́ Озíю. Озíа же роди́ Иоаѳáма. Иоаѳáмъ же роди́ Ахáза. Ахáзъ же роди́ езекíю. Езекíа же роди́ Манассíю. Манассíа же роди́ Амóна. Амóнъ же роди́ Иосíю. Иосíа же роди́ Иехóнiю и брáтiю егó, въ преселéнiе Вавилóнское. По преселéнiи же Вавилóнстѣмъ, Иехóнiа роди́ Салаѳíиля. Салаѳíиль же роди́ зоровáвеля. Зоровáвель же роди́ Авiýда. Авiýдъ же роди́ Елiаки́ма. Елiаки́мъ же роди́ азóра. Азóръ же роди́ садóка. Садóкъ же роди́ Ахи́ма. Ахи́мъ же роди́ Елiýда. Елiýдъ же роди́ Елеазáра. Елеазáръ же роди́ Матѳáна. Матѳáнъ же роди́ Иáкова. Иáковъ же роди́ Иóсифа, мýжа Марíина, изъ нея́же роди́ся Иисýсъ, глагóлемый Христóсъ. Всѣ́хъ же родóвъ от Авраáма до Дави́да рóдове четыренáдесяте: и от Дави́да до преселéнiя Вавилóнскаго рóдове четыренáдесяте: и от преселéнiя Вавилóнскаго до Христá рóдове четыренáдесяте. Иисýсъ Христóво Рождествó си́це бѣ́: обручéннѣй бо бы́вши Мáтери егó Марíи Иóсифови, прéжде дáже не сни́тися и́ма, обрѣ́теся имýщи во чрéвѣ от Дýха свя́та. Иóсифъ же мýжъ ея́, прáведенъ сы́й и не хотя́ ея́ обличи́ти, восхотѣ́ тáй пусти́ти ю́. Сiя́ же емý помы́слившу, сé, áнгелъ Госпóдень во снѣ́ яви́ся емý, глагóля: Иóсифе, сы́не Дави́довъ, не убóйся прiя́ти Марiáмъ жены́ твоея́: рóждшеебося въ нéй, от Дýха éсть свя́та: роди́тъ же Сы́на, и наречéши и́мя емý Иисýсъ: тóй бо спасéтъ лю́ди своя́ от грѣ́хъ и́хъ. Сié же всé бы́сть, да сбýдется речéнное от Гóспода прорóкомъ, глагóлющимъ: сé, Дѣ́ва во чрéвѣ прiи́метъ и роди́тъ Сы́на, и нарекýтъ и́мя емý Емманýилъ, éже éсть сказáемо: съ нáми Бóгъ. Востáвъ же Иóсифъ от снá, сотвори́ я́коже повелѣ́ емý áнгелъ Госпóдень, и прiя́тъ женý свою́, и не знáяше ея́, дóндеже роди́ Сы́на своегó пéрвенца, и наречé и́мя емý Иисýсъ.